Здружението на социјални работници на град Скопје, по повод „СВЕТСКИОТ ДЕН НА СЕМЕЈСТВОТО“ организираше стручна дискусија на тема: “Улогата на социјалниот работник во поддршка на разните видови на семејства”.
Целта е размена на знаења и позитивни практики од работата на социјалните работници, при давање на поддршка на семејствата во социјален ризик.
На овој начин здружението работно го одбележа денот на семејството, преку ТВ интервјуто на претседателката М-р Јагода Насковска и учеството на членовите на здружението Душанка Петрова и Андон Дамовски во утринската програма на МТВ, каде беше промовирана социјалната работа како професија и беше испратена порака за важноста на социјалниот работник во поддршка на семејствата во ризик.
